Thursday, October 24, 2013

நன்றி ரவீந்திரநாத் சார்-சுகாதார துறை ஊழியர் தற்கொலை-வேலை பளு- உயர் அதிகாரிகளால் மனஉளைச்சல்-ஹிந்து தமிழ்

நன்றி ரவீந்திரநாத் சார்-சுகாதார துறை ஊழியர் தற்கொலை-வேலை பளு- உயர் அதிகாரிகளால் மனஉளைச்சல்-ஹிந்து தமிழ்






புதுக்கோட்டையை சேர்ந்தவர் பாலாஜி (வயது 49). இவர் திருச்சி காஜாமலை சுகாதாரத்துறையில் மலேரியா தடுப்பு அதிகாரியாக பணியாற்றி வந்தார்.

கடந்த 24/10/2013 அன்று தூக்கு போட்டு தற்கொலை செய்து கொண்டார்.

அவரது மனைவி போலீசாரிடம் அளித்த புகாரில், "உயர் அதிகாரி(துணை இயக்குனர்-சேரன்) ஒருவர் தனது கணவரை வேலை நிமித்தமாக அடிக்கடி சித்ரவதை செய்தார். இதனால் அவர் நீண்டநாட்களாக மனஉளைச்சலில் சிரமப்பட்டார். அதன் காரணமாகவே தற்கொலை செய்து கொண்டிருக்கலாம். அந்த அதிகாரி மீது நடவடிக்கை எடுக்க வேண்டும்" என்று கூறினார்.

இந்த சம்பவம் அறிந்த மாவட்ட பூச்சியியல் வல்லுநர் சங்கத்தினர், சுகாதார ஆய்வாளர்கள், கிராம சுகாதார செவிலியர்கள் உள்ளிட்ட 100-க்கும் மேற்பட்டோர் திருச்சி அரசு ஆஸ்பத்திரி பிரேத பரிசோதனை கூடம் முன்பு திரண்டனர். சுகாதாரத்துறை உயர் அதிகாரிக்கு எதிராக கோஷங்கள் எழுப்பினார்கள்.

உயர் அதிகாரியை கைது செய்ய வேண்டும் என்றும் வலியுறுத்தினார்கள். அப்போது பாலாஜியின் உடல் பிரேத பரிசோதனை முடித்து வேனில் ஏற்றி ஆஸ்பத்திரியில் இருந்து வெளியே கொண்டு செல்ல தயார் ஆனது. ஆனால் ஆர்ப்பாட்டத்தில் ஈடுபட்டவர்கள் வேனுக்கு முன்பு அமர்ந்து உடலை வாங்க மறுத்து கோஷம் போட்டனர்.

திருச்சி கோட்டாட்சியர் பஷீர் அரசு ஆஸ்பத்திரிக்கு சென்று போராட்டம் நடத்தியவர்களிடம் பேச்சுவார்த்தை நடத்தி சமரசம் செய்தார். இந்த சம்பவம் குறித்து பாலாஜியின் மனைவி முத்துலட்சுமி போலீஸ் கமிஷனர் சைலேஷ்குமார் யாதவிடம் புகார் மனு கொடுத்தார். இதுகுறித்து போலீசார் விசாரித்து வருகிறார்கள். சுகாதாரத்துறை உயர் அதிகாரியிடம் கோட்டாட்சியர் விசாரணை நடத்துவார் என்று தெரிகிறது.

தொகுப்பூதிய செவிலிய சங்கத்தின் சார்பாக இவரது குடும்பத்திற்கு ஆழ்ந்த இரங்கலை தெரிவித்து கொள்கிறோம்.

அவரது ஆன்மா சாந்தியடையப் பிரார்த்திக்கிறோம். .... அன்னாரது ஆன்மா சாந்தி அடைய எல்லாம் வல்ல இறைவனை வேண்டுகிறோம்.